БРАУНИ 😍🍫
Ингредиенэ:
• бурдук – 250 г;
• саахар – 300 г;
• какао – 55 г;
• кымаах туус;
• сода – 1,5 ч.нь.;
• сымыыт – 2 уст.;
• сымнаабыт ынах арыыта – 60 г;
• мас арыыта – 60 г;
• үүт – 280 мл;
• 6%-наах уксус – 1 ост.нь.
Киэргэтиигэ:
• үүттээх сакалаат – 150 г;
• сибиэһэй отон арааһа.
Сакалааттаах глазурьга:
• хараҥа сакалаат – 90 г;
• үүт – 70 мл.
• мас арыыта – 40 мл;
• бытархай ыһаарыллыбыт арахис – 50 г.
Бу олус судургу рецепт. Миксер да наадата суох, барытын венчигинэн оҥоруохпут. Бастаан ингредиеннэрбитин кураанахтыы холбуубут: саахар, какао, бурдук, туус. Венчигинэн эбэтэр лопатканан булкуйабыт. Какао бу рецепкэ сүрүн оруолу ылар, ол иһин олох хаачыстыбалаах какао атыылаһаарыҥ диэн сүбэлиибин. Кондитерскай маҕаһыыннарга уохтаах алкализованнай какао атыыланар, оннугу сүбэлиибин.
Ол кэннэ бурдуктаах булкааһыкка сымыыты, ынах арыытын, мас арыытын, үүтү кутабыт, венчигинэн биир маасса буолуор диэри ытыйабыт. Онтон бүтэһигинэн уксус кутабыт. Тиэстэбит бэлэм. 22 см эбэтэр 24 см диаметрдаах формаҕа сөп түбэһэр рецепт. Формабытын түгэҕин фольганан туттарабыт уонна тиэстэбитин кутабыт. 180 кыраадыска диэри сылытыллыбыт духуопкаҕа 45 мүнүүтэ буһара уурабыт. Брауни буспутун суоҕун кураанах шпажканы анньан көрөн бэрэбиэркэлиибит. Шпажка кураанах буоллаҕына духуопкаттан хостоон уурабыт, сойутабыт.
Аны сакалааппытын бэлэмниибит. Үүттээх (молочнай) сакалааты микроволновкаҕа уулларабыт. Брауни үрдүн сыбыыбыт, бэйэҕит хайдах баҕараргытынан киэргэтэҕит. Мин сибиэһэй сугуну уонна күөх үүнээйини тутуннум.
Минньигэстэн минньигэс брауни бэлэм, дьиэ кэргэҥҥитин күндүлээҥ.
Auf dieser Seite können Sie das Online-Video БРАУНИ 😍🍫 mit der Dauer stunde minuten sekunde in guter Qualität ansehen, das der Benutzer Евдокия ПОПОВТАР 09 März 2024 hochgeladen hat, den Link mit Freunden und Bekannten teilen, dieses Video wurde auf Youtube bereits 1,892 Mal angesehen und es wurde von 54 den Zuschauern gefallen. Viel Spaß beim Betrachtenden Zuschauern gefallen!
